Ambasada amerikane në Tiranë, u ka bërë thirrje magjistratëve që të aplikojnë në vendet e lira në KLGJ dhe KLP.
Në një postim në faqen zyrtare në “Facebook”, ambasada shkruan se ky është një çast i rëndësishëm për sistemin e drejtësisë në Shqipëri.
Data 4 Shtator është afati i fundit për të aplikuar për të gjithë magjistratët e kualifikuar që duan të shërbejnë në KLGJ apo KLP.
“Ambasada e SHBA nxit të gjithë magjistratët e kualifikuar për të shërbyer në Këshillin e Lartë Gjyqësor dhe Këshillin e Lartë të Prokurorisë të aplikojnë për vendet e lira në KLGJ dhe KLP. Ky është një çast i rëndësishëm për sistemin e drejtësisë në Shqipëri për të siguruar përparim të vazhdueshëm dhe ruajten e parimeve përcaktuese të reformës në drejtësi. Mos e humbisni mundësinë për të dhënë kontribut në një sistem në drejtësi që është efektiv, transparent dhe i drejtë – në emër të kolegëve tuaj magjistratë dhe qytetarëve shqiptarë.
Afati i fundit i aplikimeve: e hënë, 4 shtator, 2023
Për KLGJ: https://bit.ly/3OENpAA
Për KLP: https://bit.ly/3qCqfTq”- shkruan ambasada e SHBA.
