Gjiganti i teknologjisë, Amazon i ka ndaluar policisë amerikane përdorimin e softuerit për identifikim të fytyrës, për një vit.
Ky vendim erdhi pasi mbrojtësit e të drejtave të njeriut kanë ngritur shqetësime rreth paragjykimeve të mundshme racore në teknologjinë e vëzhgimit.
Këtë javë edhe kompania tjetër, IBM, ka thënë se do të ndalojë ofrimin e shërbimit të njëjtë për “vëzhgim masiv apo profilizim racor”.
Vendimi i të dyja kompanive është rezultat i presionit të bërë ndaj tyre, pas vdekjes së afrikano-amerikanit, George Floyd.
Amazon ka thënë se pezullimi i përdorimit të softuerit Rekognition, është mundësi për ligjvënësit amerikanë që të miratojnë projektligje, të cilat rregullojnë mënyrën se si përdoret tekonologjia.
Megjithatë, kjo kompani ka theksuar se do të vazhdojë t’iu lejojë organizatave që merren me rastet e trafikimit njerëzor, që të kenë qasje në këtë teknologji.
Teknologjia e identifikimit të fytyrës është kritikuar, pasi disa studime kanë treguar se shumica e alegoritmave kanë më shumë mundësi që gabimisht të identifikojnë njerëzit me ngjyrë dhe minoritetet tjera, në krahasim me personat e racës së bardhë./Opinion.al
