Autoriteti i Mediave Audiovizive ka reaguar pas ngjarjes së rëndë që ka ndodhur mesnatën e djeshme në televizionin Top Channel, ku për pasojë humbi jetën roja i sigurisë.
AMA thotë se goditja e një mjedisi mediatik është një goditje ndaj demokracisë, ndaj lirisë së fjalës dhe mendimit. Ndërkohë i shpreh ngushëllime familjes së viktimës dhe u bën thirrje organeve ligj zbatuese që autorët të vihen para drejtësisë.
‘Ngjarja e mesnatës së kaluar, kur godina e televizionit Top Channel ishte objekt një sulmi me armë zjarri, me pasojë humbjen e jetës së një punonjësi të sigurisë, po përcillet me shumë shqetësim nga Autoriteti i Mediave Audiovizive. Goditja e një mjedisi mediatik është një goditje ndaj demokracisë, ndaj lirisë së fjalës dhe mendimit.
AMA shpreh ngushëllimet për familjen e punonjësit që humbi jetën nga ky agresion i papranueshëm dhe qëndron në krah të të gjithë ekipit të televizionit në këto momente të vështira. Gjithashtu kërkon nga institucionet ligjzbatuese që të përparojnë me shpejtësi për ndriçimin sa më pare të rrethanave dhe autorët të vihen para përgjegjësisë ligjore.’- thuhet në njoftimin e AMA./Opinion.al
