Ish-lojtari i Paris Saint Germain, Daniel Alves pasi është refuzuar nga skuadra e Barcelonës, ka vendosur të rikthehet në Brazil.
Alves do të aktivizohet në skuadrën ku ka luajtur në fillimet e karrierës së tij, Sao Paulos.
Ish-lojtari i PSG, ka nënshkruar me klubin brazilian një kontratë e cila zgjat deri në vitin 2022.
36-vjeçari do të luaj për herë të parë me një skuadër braziliane që nga viti 2002, kohë në të cilën ai arriti të nënshkruaj një kontratë me skuadrën spanjolle, Sevilla.
Më herët mediat botërore të futbollit folën se Alves mund të transferohej te skuadra si Manchester City, Arsenal apo Tottenham, por ishte presidenti i Sao Paulos i cili arriti akordin me lojtarin.
Kujtojmë që, Daniel Alves është shpallur zyrtarisht lojtari që ka fituar më shumë trofe në histori me 40 të tilla në rang klubesh dhe kombëtaresh. FIFA e ka përfshirë në formacionin e vitit 8 herë këto 10 vitet e fundit./ Opinion.al E.Xh.
