Kreu i SPAK, Altin Dumani ka folur në Forumin Rajonal për Politikat e Mirëqeverisjes për rezultatet e prekshme që ka arritur institucioni që drejton.
Ai deklaroi se fokusi i SPAK janë figura të larta shtetërore, duke përmendur ish-kryeministra, ministra, deputetë apo gjyqtarë.
”Për të qenë të suksesshëm në luftën kundër korrupsionit., vlerësoj se është e nevojshme të kemi disa mjete apo instrumente në dorën tonë. Shumica e vendeve të Ballkanit Perëndimor e kanë kuptuar këtë dhe të gjithë janë të njëjtin trend duke krijuar struktura të posaçme antikorrupsion, prokurori speciale kundër krimit të organizuar.
Kjo është gjeja e parë që duhet ndërmarrë me qëllim të qenit të suksesshëm në luftën kundër korrupsionit dhe krimit të organizuar. Po ashtu është e nevojshme edhe një legjislacion të mirë dhe ne në Shqipëri po, kemi legjislacion të mirë. Kemi edhe garanci kushtetuese dhe ligjore që kjo strukturë e posaçme të ushtrojë në mënyrë të pavarur funksionet e saj.
Tjetër faktor i rëndësishëm është pasja e një infrastrukture të përshtatshme. Investimi në teknologji. Krimi ka evoluar, format e shfaqjes së tyre janë shumë të sofistikuara dhe ne na bie barra që të përshtatemi. Kjo na detyron që të bëjmë investime në teknologji. Ne si SPAK kemi investuar në këtë drejtim”, tha Dumani.
