Bashkëpunimi me partnerët e vetë biznesit është padyshim çelësi i suksesit të këtij të fundit.
Udhëhequr nga kjo filozofi bashkëpunimi, Alpha Bank që operon në Shqipëri prej 1998, ka organizuar disa aktivitete në qytetet Korçë, Elbasan, Fier, Durrës, Vlorë, Gjirokastër, Berat dhe Shkodër.
Ditën e mërkurë, më 12 tetor 2016, drejtuesit ekzekutivë dhe përfaqësues të Alpha Bank Albania organizuan takimin me bizneset e Tiranës, të cilët u njohën me të dhënat financiare të Alpha Bank.
Dhe shifrat në fakt tregojnë se Alpha Bank Albania është një bankë e shëndetshme, e mirëkapitalizuar dhe me likuiditet të lartë, pasi:
deri në Gusht të këtij viti totali i aktiveve ishte 533 milionë Euro;
totali i kredive ishte 258 milionë Euro;
totali i depozitave ishte 419 milionë Euro;
kapitali ishte 83.9 milionë Euro,
ndërsa fitimi operativ arriti në 3.8 milionë Euro.
Në fjalën e tij përshëndetëse, z. Periklis Drougkas, Drejtor i Përgjithshëm i Alpha Bank Albania, tha se “Misioni i Bankës është që të jemi një partner i besueshëm për të gjithë klientët tanë, duke krijuar një marrëdhënie të bazuar në besim, respekt dhe sinqeritet…”
Përgjatë takimit, klientë të ndryshëm të bankës dhanë ide dhe sugjerime të ndryshme mbi produktet dhe shërbimet financiare të ofruara nga Alpha Bank Albania, me synim zhvillimin dhe përmirësimin e mëtejshëm të marrëdhënies së suksesshme të bashkëpunimit ndërmjet klientëve dhe Bankës.
Aktualisht, Alpha Bank Albania ofron shërbim cilësor për më shumë se 244 mijë klientë nëpërmjet një rrjeti të gjerë degësh në vend dhe kanale të tjera alternative, si 54 ATM, web banking dhe mobile banking, si dhe më shumë se 700 pika të pranimit të pagesave me kartë (POS).
