Shtatë persona humbën jetën në dy ortekë të shkaktuar në Alpet Franceze sikurse kanë bërë me dije autoritetet lokale.
Orteku i parë i borës shpërtheu në mëngjesin e vonë në komunën e Valloire në sektorin Col du Galibier 2,642 metra mbi nivelin e detit, ndërsa qe e pamundur ndihma për 4 persona të moshave 42 – 76, të cilët humbën jetën. Viktimat ishin pjesë e një grupi prej 5 alpinistësh nga të cilët vetëm njëri prej tyre mbijetoi.
Orteku i dytë ndodhi pasdite në sektorin Mont Pourri, në 3,779 metra në masivin Vanoise, në anën tjetër të komunës. Tre vetë vdiqën, sipas prefekturës.
Autoritetet kishin paralajmëruar dje një rrezik të lartë të ortekëve këtë fundjavë pasi temperaturat janë rritur pas reshjeve të mëdha të dëborës në male në ditët e fundit./Opinion.al
