Që nga dita e djeshme një mesazh zanor i kryeministrit Rama dëgjohet përpara në telefonat e qytetarëve përpara se ata të kryejnë thirrje telefonike.
Në mesazhin zanor Rama i bën thirrje qytetarëve të marrin masat e rekomanduara ndaj përhapjes së koronavirusit por në një pjesë të tij ai thotë “ruaju nga mediat”. Një mesazh disi i cuditshëm duke marrë paraysh se mediat janë burimi kryesor i informacionit në këtë kohë kur kërkohet kontak sa më i ulët social.
Në lidhje me këtë formë komunikimi të kryeministrit ka reaguar Partia Demokratike. Ajo e dënon këtë akt duke akuzuar kryeministrin se po “përdor AKEP-in si zyrë propagande të PS”.
Sipas PD “mesazhet sensibilizuese për shëndetin dërgohen nga institucionet e shëndetit publik, jo nga politikanët”.
Ata i bëjnë thirrje kompanive celulare ta ndërpresin atë që ata e quajnë shkelje të ligjit. PD i porpozon këtyre kompanive që të mundësojnë internet falas gjatë krizës për të gjithë njerëzit në nevojë dhe për prindërit e fëmijëve në shkollë, duke siguruar akses të plotë në mësimin online. /Opinion.al
