“Imami”, kështu njihej 38-vjeçari Oltian Veseli, banues në Krujë i arrestuar së fundmi për grabitjen e 9 Prillit në Rinas, ku u morën 6.5 milionë euro.
Ai nuk është një emër i panjohur për autoritetet shqiptare po ashtu dhe ato amerikane. Sipas gazetarit Artan Hoxha ai ka luftuar në krah të talebanëve në Aganistan.
“I kam shkuar në shtëpi në Oltian Veseli. Në atë kohë sapo ishte depërtuar nga Afganistani. Ka ikur në 2003 për të bërë studime teologjike, kishte bërë stërvitje. Ka jetuar në Jemen dhe Pakistan. Ishte futur të luftonte është arrestuar nga marinast amerikanë në një përplasje me talebanët. Është arrestuar në Afganistan dhe në 2005 i është nënshtruar një hetimi. Në 25 qershor të 2006 ai është riatdhesuar në Shqipëri, nuk ta jepte përshtypjen që kishte bërë atë. Ishte stërvitur nga muxhahedinët. Ai thoshtë që: Allahu më vuri në provë dhe unë i mbijetova”, ka thënë gazetari në emisionin Opinion.
Sipas tij gjatë asaj kohe ai i është nënshtruar shumë torturave:
“I ishte nënshtruar torturave të jashtëzakonshme. Nuk ma mbushte mendjen, dukej shumë i kulturuar. Dukej që kishte kaluar shumë tortura, dukej i ftohtë, i qetë. Ndaj i ka mbetur emri imam. Ai nuk ka qenë asnjëherë imam nga komuniteti mysliman”, tregoi më tej Hoxha.
Të arrestuarit e tjerë janë Alkond Bengasi 34 vjeç, Renaldo Sula, 25 vjeç Saimir Çela, 28 vjeç, të tre banues në Elbasan./Opinion.al
