Gazetari dhe moderatori Drini Zeqo rreth dy muaj më parë kaloi një moment mjaft të sikletshëm në edicionin qendror të lajmeve në tv Klan, kur e zuri lemza papritur dhe e mbajti per nje kohe te gjate.
Ai ka folur per here te pare ne “Thumb”, ku rrëfeu: “U mërzita sepse nuk po e kaloja dot. Lemza filloi sapo filluan dhe lajmet, s’kisha çfarë t’i bëja. Lajmet s’kisha si t’i lija përgjysmë dhe i vazhdova me shpirt nëpër dhëmbë. Lemza vazhdoi gjatë gjithë natës. U vizitova dhe ishte një çështje ftohjeje, e ndikuar nga lodhja. Ishte momenti më i sikletshëm që kam përjetuar”, u shpreh ai.
Drini tregoi se pasi kishte mbaruar lajmet kishte parë shumë telefonata e mesazhe e një ndër to ishte nga Alketa Vejsiu.
“Mbarova lajmet, pashë telefonin, më kishte marrë Alketa në telefon, më kishte shkruajtur: “Zemër si s’më ndodhi mua kjo gjë, sa doja të më kishte ndodhur mua. O Zot çfarë fati”, citoi ai miken dhe kolegen Alketa Vejsiu.
