Në mbledhjen e Këshillit të Mandateve, deputeti Saimir Tahiri ka patur sot debate te forta me deputetin demokrat Enkelejd Alibeaj. Ky i fundit vazhdimisht i ka theksuar Tahirit që të pranojë hetimin e prokurorisë dhe të shkojë në gjykatë, në rast se është i pafajshëm sikurse thotë.
Alibeaj i ka kujtuar Tahirit daljen e tij të para disa ditëve, ku ka deklaruar publikisht se ishte i gatshëm të linte mandatin për hetimin.
Por Tahiri e ka konsideruar politike gjithë çështjen e ngritur ndaj tij dhe ka theksuar se ai nuk do të pranojë pranga politike.-
“Meqë nuk ka prova, përse nuk shkon në gjykatë, por të është mbushur mendja që sot do shkosh në burg”, i është drejtuar Alibeaj duke shtuar se heqja e mandatit nuk do të thotë burg por dërgim i çështjes në gjykatë dhe kjo e fundit do të vendosë për fatin e tij.
Kryetari i Keshillit te Rregulloreve dhe Mandateve Gramoz Rucci, disa here i ka terhequr vëmendjen deputetëve për tonet dhe mënyrën e të folurit.
