Enkelejd Alibeaj ka dalë pasditen e sotme në një konferencë për shtyp. Ai ka folur për mbledhjen e Këshillit duke akuzuar Ramën se po i jep kohë të mjaftueshme Tahirit të prishë provat. Ai u shpreh se provat që inkriminojnë ish-ministrin janë mëse të qarta, duke përmendur dhuratat e shtrenjta si varësen me diamant, dhe shumat e mëdha të parave, ku ndër to edhe 20 milionë euro për fushatën elektorale.
“Rama po jep kohë që Tahiri t’ja hedhë pa u lagur. Në mënyrë që të shpëtojnë ai, Rama dhe të tijët. “
Ai vijoi duke hedhur akuzua ku sipas tij, Tahiri posedon materiale të forta kundër Ramës të cilat mund t’i përdori në rast se futet në burg.
“Edhe pse drejtësia italiane solli mijra faqe ku provohen katërcepërisht përfshirja e Tahirit. Dhurata me diamante, miliona euro, dhe 20 milion euro që i duheshin për fushatën, ai sërish u mor në mbrojtje nga Edi Rama”.
Sipas deputetit demokrat, në Kuvend u lejua gjykimi politik dhe jo ai juridik. Me urdhër të Ramës, parlamenti u kthye në gjykatë kundër prokurorëve, pasi Tahiri dhunoi dhe sulmoi prokurorët.
