Kryetari i Komanduar i PD, Enkelejd Alibeaj ka zhvilluar një takim me qytetarët në Fushë-Krujë, të cilëve u kërkoi votën për kandidatët e këshillave bashkiak më 14 maj. Alibeaj i përqendroi akuzat e tij ndaj ish-kryeministrit Sali Berisha, për të cilin tha se bashkëpunon me Edi Ramën dhe Ilir Metan për të shkatërruar PD.
“Ka një trini, e kam marrë këtë nga librat e shenjtë. Ka një trini që I është mbivendosur demokratëve dhe Partisë Demokratike. Nuk dihet se kush është dihet ati, nuk dihet se kush është biri, nuk dihet se kush është shpirti I pashenjtë. Megjithatë gjithsecili prej jush edhe mund ta gjej se cili është nga ata të cilët unë jam duke u adresuar. Ati, biri dhe shpirti I pashenjtë, ky trekëndësh të cilat I janë vërsulur Partisë Demokratike dhe duan vetëm ta asgjësojnë atë. Njëri ka kërkuar ta shpopullojë Shqipërinë dhe kjo është plaga më e madhe në fakt që Shqipëria, por dhe kjo bashki, është pikërisht shpopullimi, largimim, dëbimi I shqiptarëve nga vendi I tyre. Tjetri ka 30 e kusur vite që vjedh, e vjedh dhe do ta vjedh akoma. Dhe tjetri është ai që do ta zbraz Partinë Demokratike për të mbushur partinë e vet,”-tha Alibeaj.
Alibeaj thotë se pavarësisht debateve të brendshme, PD është ende e bashkuar.
Ai që do ta zbraz Partinë Demokratike për të mbushur partinë e vet. E pra, është kjo treshe e cila ka vendosur të ndajë Partinë Demokratike prej një vit e gjysmë, të paktën nga 9 shtatori e këtej, por nuk ia kanë dalë. Nuk ia kanë dalë, e kjo është ndoshta fitorja më historike, jo vetëm e Partisë Demokratike, jo vetëm e demokratëve, por e gjithë Shqipërisë”,-tha Alibeaj.
Edhe pse vet është nga personat që nuk ka pranuar bashkëpunimin me Berishën, Alibaj thotë se ka qënë ish-kryeministri ai që refuzoi ofertën e tij për bashkim.
“Si ka mundësi që Berisha zgjodhi përkundër të gjitha ofertave tona, shtrirjes së dorës, zgjodhi më mirë Ilir Metën dhe jo demokratët. Ia shtrimë dorën vjet me 30 prill. Mos bëj struktura paralele, do e përcash partinë. Dhe ja doli në zgjedhje sic ka dalë tashmë, dhe do krijosh nje dem shumë të madh per demokratët. Po të ishim bashkë ua jap me garanci që më shumë se gjysmen e bashkive do i kishim marrë, demokratët”,-tha Alibeaj.
Kryetari i Komanduar i PD thotë se pas riorganizimit të struktura do të jetë gati për të fituar zgjedhjet në vitin 2025.
