Në një deklaratë për shtyp, deputeti i Partisë Demokratike Enkelejd Alibeaj ka akuzuar kryeministrin Rama se në 6 muaj ka shkatërruar provat që implikojnë ish ministrin e brendhsëm Saimir Tahiri. Ai gjithashtu e ka cilësuar dorëheqjen e Tahirit si një teatër me regjizor Edi Ramën. Por ai është ndalur edhe te puna e ministrit Xhafaj, të cilën e quan kriminale.
“E ndërsa teatri me regjizor E.R dhe skenarist S.T vazhdon të shfaqet në media, Xhafaj po vë në zbatim një plan më kriminal se kanabizimi i vendit. Ai gënjen qytetarët me operacionet kundër kanabisit, por nuk sheh dhe nuk dëgjon. Xhafaj thotë se suksesi i qeverisë është lufta kundër kanabisit. Të gjithë e dinë që nuk pati një operacion të mirfilltë.
Ministri i Brendshëm Xhafaj me propagandë komuniste përbetohet se bandave të krimit u ka hyrë tmerri, por mafiozët mbretërojnë dhe shfaqen me kostume politikanësh dhe kryebashkiakësh përkrah tij.”
Alibeaj u ndal edhe te vettingu, të cilin e ka cilësuar si të paplotë, për aq kohë sa ai nuk nis nga vetë pushtetarët.
