Enkelejd Alibeaj po zhvillon këtë të martë takimin me krerët e degëve të PD, fiks një ditë pas mbledhjes me Kryesinë dhe Grupin Parlamentar.
Në mbledhje po diskutohet mbi zgjedhjet vendore dhe propozimet e tyre për listat e këshillave bashkiakë dhe kandidatët për 61 bashkitë.
Takimi i cili ka nisur në orën 12:00, ka pasur si synim diskutimin mes krerëve të jugut e ndërsa përgjatë gjithë pasdites, do të diskutohet me krerët e degëve të veriut.
Përsa i përket mbledhjes së fundit do të zhvillohet në orën 18:00, me krerët e degëve në Tiranë.
Një ndër propozimet është që të dilet me kandidatë dhe me listat për Këshillat Bashkiakë në 61 bashki, por ka pasur edhe 2 opsione të tjera. Opsioni i dytë që është diskutuar është dalja vetëm me anëtarë për këshillat bashkiakë, një tezë e hedhur nga pak persona në mbledhje. Skenari tjetër i lënë hapur për diskutime, është ai i propozuar nga deputetë dhe anëtarë të Kryesisë, sipas të cilëve duhet të dalin me listat për këshillat bashkiakë në 61 Bashki, por jo për kryetar bashkie në të gjitha njësitë e qeverisjes vendore.
Thuhet se deri më tani nuk ka asnjë vendim, por vetëm disa opsione të hedhura në tryezë nga mbledhja e djeshme.
