Kryetari i komanduar i Partisë Demokratike, Enkelejd Alibeaj, në një dalje për mediat akuzoi gjyqtarin, Zhukri se ka vendosur për pranimin e kërkesës së Grupit të Rithemelimit për ndryshimet statutore të 11 dhjetorit duku u bazuar në njohjet personale. Ai po ashtu theksoi se gjyqtari sot nuk ka pasur një dosje dhe ka marrë vendim pa pasur prova.
“Gjyqtari vetë ka deklaruar njohjet e veta në këtë proces gjyqësor. Në tejkalim të ligjit, gjyqtari ka marrë në shqyrtim çështjen. Ne kemi bërë një ankim për regjistrimin e Kuvendit të datës 18 dhjetor dhe çështja është në apel. Gjyqtari i sotëm nuk ka pasur një dosje. Gjyqtari ka marrë një vendim pa pasur prova, pa pasur dosje, pa pasur palë”, tha Alibeaj.
Alibeaj theksoi se ka autorizuar një kallëzim penal ndaj gjyqtarit për shpërdorim detyre.
“Vendimi i sotëm i pazbatueshëm. PD do ta ankimojë në Apel. Kam autorizuar kallëzim penal për gjyqtarin Zhukri pasi ka shpërdoruar detyrën”.
