Në mbledhjen e sotme të grupit Parlamentar të PD-së u përcaktuan anëtarët e komisioneve të reformës zgjedhore, territoriale dhe të investimeve strategjike. Një nga emrat që ishte në listën e anëtarëve të Komisionit të Reformës Zgjedhore ishte deputeti Oerd Bylykbashi.
Ndërkohë pas publikimit të këtij lajmi ka reaguar deputeti Oerd Bylykbashi. Ai ka thënë se lajmin që është caktuar anëtar i Komisionit të Reformës Zgjedhore nga Enkelejd Alibeaj, e ka mësuar nga mediat.
“E mora vesh nga mediat që jam caktuar anëtar. Edhe kur me hoqi Basha nga Zgjedhorja, nga mediat e mora vesh”, tha Bylykbashi i kontaktuar nga Balkanweb.
Komisioni për Reformën Zgjedhore përbëhet nga:
Bashkëkryetar:
- Enkelejd Alibeaj
Anëtarë PD:
- Oerd Bylykbashi
- Dashnor Sula
- Grida Duma
- Kreshnik Collaku
- Lindita Metalia
