Deputeti Enkelejd Alibeaj ka akuzuar Sali Berishën si nxitës të dhunës ndaj demokratëve, ndërsa ka komentuar një dalje të Berishës për mediat para selisë. Në një status në Facebook, Alibeaj shprehet se Berisha dhe Rama dështuan në përpjekjen për të patur të vrarë në protestën e 8 Janarit.
“Sali Berisha u kthye në vendin e krimit. Ai sot siç ka bërë gjatë gjithë jetës së tij vazhdoi të gënjejë dhe të nxisë dhunën, tashmë kundër demokratëve. Halli i Sali Berishes sa vjen dhe rritet e bashkë me të rritet edhe gjuha e dhunës dhe e urrejtjes. Dje ai dështoi bashkë me Edi Ramën që të nxjerrë arkivole nga PD, ndërsa sot vjen vërdallë si kufomë politike për të mashtruar dhe zgjatur sado pak agoninë e tij”, shkruan Alibeaj./Opinion.al
