Fatos Nano edhe pse është larguar nga jeta politike prej vitesh vazhdon të jetë një emër i përfolur në rrethin politik sa herë që flitet për zgjedhjen e Presidentit. Emri i tij u përmend edhe këto ditë në media. Sakaq, aleati i Bashës në koalicionin e djathtë, kreu i PAA Agron Duka thotë se do të votonte për Fatos Nanon President. Në një intervistë për “Mapo” ai tha se vetëm Nano mund ta zgjidhte krizën politike.
Duka: “Nëse Rama dhe Meta do të propozonin Nanon unë do ta votoja sepse . Nuk e kam fshehur kurrë simpatinë dhe respektin që kam për Nanon. Unë e gjykoj si një figurë bipartizane mbi të cilin palët mund të gjejnë një dakordësi. Cilësitë e tij politike nuk mohohen dot nga askush, as eksperienca dhe kontributi i tij në jetën politike të Shqipërisë. Ka qenë lideri i parë që ka mundësuar rotacionin paqësor të pushtetit pas humbjeve të zgjedhjeve, një akt civilizues që normalizoi raportin e politikanëve me pushtetin. Në këtë moment zgjidhja e tij do t’i jepte një hov tjetër institucionit të Presidentit, ai do të ishte një zë i fuqishëm në zgjidhjen e krizave politike të vendit”.
/Opinion.al
