Një nga aleatët më të ngushtë të Partisë Demokratike, Fatmir Mediu i ka bërë thirrje Presidentit, Ilir Meta që të angazhohet për të ruajtur qëndrueshmërinë e sistemit demokratik duke shtyrë zgjedhjet.
Sipas Mediut, Presidenti është autoriteti i vetëm kushtetues që mund dhe duhet të shtyjë zgjedhjet. Kjo gjë duhet bërë për të garantuar unitetin e popullit nën një sistem demokratik.
Kjo është hera e parë që një nga anëtarët e opozitës së bashkuar i drejtohet Presidentit për të ndërhyrë në zgjidhjen e krizës politike. Meta ka deklaruar më parë se është i gatshëm të rishikojë dekretin për datën e zgjedhjeve dhe gjithashtu të ofrojë mandatin e presidentit nëse duhet për të ulur palët në tavolinë. Kërkesës së Metës deri tani i ishte përgjigjur vetëm Kryeministri Rama për të cilin zgjedhjet nuk duhet të shtyhen.
Kryetari i Partisë Republikane ka thënë gjithashtu dje në një takim me qytetarët e rendi kushtetues ka rënë dhe për këtë është përgjegjës Edi Rama, të cilit tashmë i është faktuar se ka cënuar procesin zgjedhor të 2017-ës. /Opinion.al
