Përdorimi i teknologjisë në zgjedhje, nuk do i japë zgjidhje antikushtetueshmërisë që prodhon sistemi aktual zgjedhor.
Dy aleatët e Partisë Demokratike, LZHK e drejtuar nga Dashamir Shehi dhe PDK e Nard Ndokës, mendojnë se ndryshimet në sistem dhe jo arnimet do të arrijnë të krijojnë një hartë të re territoriale.
Për Shehin reforma zgjedhore duhet të ndërhyjë fort në sistem dhe jo të bëjë arnime, kurse Ndoka thekson se Shqipëria ka aktualisht një Kod Zgjedhor antikushtetues, sistemi proporcional rajonal ka probleme me përfaqësimin e votës.
Në këtë kuadër, ata propozojnë që puna e Komisionit të Reformës Zgjedhore duhet të nisë nga ndryshimi i sistemit, për të cilin ata kanë edhe propozime konkrete.
“Një mazhoritar proporcional, apo një sistem proporcional me gjashtë rajone duke ulur edhe numrin e deputetëve nga 140 në 120”, është një nga propozimet e dy prej aleatëve të PD-së.
Ndryshimet në sistem, thonë dy aleatët e Partisë Demokratike, diktojnë një hartë të re territoriale, si dhe rikthimin tek listat e hapura, raporton TV Klan.
Propozimet e aleatëve opozitarë vijnë në një kohë kur prioritet i Reformës Zgjedhore për Partinë Demokratike është dekriminalizimin e zgjedhjeve, si dhe votimi e numërimi elektronik.
