Një leter e bërë sot publike ka ngjallur mjaft reagime për Teatrin Kombetar. Kryetari i Bashkisë tha se KE deklaron se “ligji nuk shkel MSA-në”, ndërsa Aleanca për Mbrojtjen e Teatrit thotë se “Propaganda e Qeverisë po përpiqet të përhapë lajmin se Komisioni Evropian ka aprovuar prishjen e Teatrit. Kjo nuk është e vërtetë”.
Bëhet fjale për letren që Shefja e Njësisë për Shqipërinë dhe Bosnje-Hercegovinën në Drejtorinë e Përgjithshme për Politikat Evropiane të Fqinjësisë dhe Negociatat e Zgjerimit, Michela Matuella i ka dërguar sekretarit te pergjithshem te kryeministrise, Engjell Agaci.
“Ligji nuk shkel Marrëveshjen e Stabilizim-Asociimit, por i sugjeron qeverisë që të ftojë edhe aktorë të tjerë të interesuar në garë”, thuhet nder te tjera ne leter.
Sipas leximit qe i ben Aleanca per Mbrojtjen e Teatrit: “Komisioni Evropian “fton qeverinë të amendojë” ligjin pasi e konsideron futjen e kompanisë në ligj si ndihmë paraprake, e cila thjesht do materializohej më vonë. Por është e qartë se sipas KE procesi nuk është i hapur për operatorët dhe, thënë në mënyrë diplomatike, pranon se ligji është korruptiv.
Ana shqetësuese e letrës ama është fakti që KE nuk pranon të shprehet për shkeljet e Kushtetutësi si mbivendosja nda pushtetit vendor dhe grabitja e pronës private. Këto probleme, KE i konsideron si jashtë kompetencës së saj.
Megjithëse letra konfirmon faktin që procesi është korruptiv, ajo është prova e rradhës se problemet e Shqipërisë do i zgjidhin shqiptarët e jo burokratët e huaj. Problemet madhore të këtij “ligji special”, që kanë të bëjnë me shkeljen e të drejtave politike dhe institucionale të pushteteve të pavarura dhe qytetarëve privat, populli shqiptar do të duhet ti zgjidhë vetë”.
Ndersa kryetari i Bashkise, Erion Veliaj e lexon keshtu letren ne fjale:
“Lajm i shkelqyer Letra e KE per Teatrin e Ri! Kush kerkoi pergjigje nga BE, tani e ka dhe s’duhet ta pengoje progresin! Teksa ligji nuk shkel MSA, kemi shansin ta bejme dhe me te mire akoma!Tani qe pengesat rane, le te bashkohemi & ecim perpara!”
