Këngëtarja shqiptare me famë botërore, Rita Ora më në fund ka lançuar albumin e ri “Phoenix”.
Ende pa u bërë 24 orë, albumi i Ritës ka arritur të renditet i pari në tabelën botërore të iTunes. Duke lënë pas emrat më të njohur të industrisë së muzikës.
Disa këngë të këtij albumi, këngëtarja i publikoi gjatë këtyre ditëve të fundit. Dje Rita publikoi dy këngë, “Summer Love” në bashkëpunim me Rudimental dhe “Keep Talking” në bashkëpunim me Julia Michaels. Këngë të cilat i solli vetëm në versionin audio.
Pjesë e këtij albumi janë këngët e njohura si: “Anywhere”, “Your Song”, “Let you love me”, “Girls”, në bashkëpunim me Bebe Rexhën, Cardi B dhe Charli XCX, “Lonely Together” bashkëpunimi i suksesshëm me Aviciin, “Falling To Pieces”, “Cashmere” dhe “Velvet Rope”.
