Kryeministri i Kosovës, Albin Kurti ka pritur sot në zyrën e tij stafin e lartë menaxhues të Policisë së Kosovës.
Takimi u mbajt pas operacionit dhe angazhimin e njësive speciale të Policisë në kufijtë veriorë të Republikës së Kosovës.
Në mesin e tyre e efektivëve që Kurti takoi ishte edhe Besart Ahmeti, Shef i Njësisë Speciale Operative, i cili ishte udhëheqës i operacionit në veri. Kurti tha se Ahmetin e ritakoi pas 16 viteve, kur ai e kishte arrestuar Kurtin atë kohë gjatë një proteste të Lëvizjes Vetëvendosje.
“Në zyren time në Kryeministri, sot prita ministrin e brendshëm dhe udhëheqës të lartë të Policisë së Kosovës. Në mesin e tyre ishte edhe Besart Ahmeti, të cilin e ritakova nga afër pas 16 vjetëve. Kapiteni Ahmeti ka udhëhequr profesionalisht policë të njësisë speciale në Bërnjak dhe ka zhvilluar shkëlqyeshëm negociata në terren atje. Nuk ia shtrënguam dorën njëri-tjetrit, për shkak të pandemisë”, ka shkruar Kurti.
