Kreu i Partisë Lëvizja Vetëvendosje në Kosovë, Albin Kurti ndodhet në Tiranë, te fakulteti i Shkencave Sociale për të përkrahur studentët por dhe pedagogët që sot kanë nisur grevën duke bojkotuar zhvillimin e mësimit.
Albin Kurti tha se sa kohë pedagogët kanë marrë pjesë në protestë, protesta e studentëve është e drejtë. Ai bëri thirrje për organizim të konsoliduar, duke u shprehur se fitoret në histori vijnë nga qëndresa e shoqërisë, teksa shtoi se protestat e tyre janë ndjekur me vëmendje në Kosovë.
“Është në pikëpyetje ardhmëria e shoqërisë shqiptare. Ju bëj thirrje të keni organizim të konsoliduar. Organizimi ju fuqizon. Arsimi nuk është luks”, deklaroi Albin Kurti.
