Kandidati për kryeministër i Kosovës, njëherësh kryetari i Lëvizjes Vetvëvendosje, Albin Kurti, ka reaguar në lidhje me refuzimin që i bëri presidentit Thaçi për formimin e qeverisë.
Kurti deklaroi se Presidenti Hashim Thaçi nuk mund të caktojë datën e formimit të Qeverisë pa bërë propozimin partia fituese dhe pa u arritur marrëveshje mes dy partive.
“Presidenti ka përcaktuar datën e seancës konstituive për 26 dhjetor kur ne ishim aty dhe në kohë rekord e konstituam Kuvendin. Presidenti përcakton datën e konstituimit të kuvendit dhe jo formimit qeverisë, formimin e qeverise e përcakton dikush e jo presidenti. Mua datën ma përcakton LDK, nuk bënë të ketë keqkuptime. Ta vonosh maksimalisht kërcim prej ekstremi në ekstrem tjetër. Takimet do të ndodhin, do të ketë konsultime. Ndërkohë po e intensifikojmë bisedimet. Ne e kemi qëndrimin tonë atë të tyrin. Se kur do të të takohemi këto janë çështje teknike të sekretarive tona.” tha Kurti në mbledhjen e këshillit të përgjithshëm të Lëvizjes Vetëvendosje.
Kurti tha para gazetarëve se Lëvizja Vetëvendosje i ka ofruar LDK-së poste të rëndësishme të cilat janë refuzuar nga ta.
“Në janar kemi përpara arritjen e marrëveshjes me LDK-në. 80 ditë nuk mjaftuan për ta arritur marrëveshjen që kërkohej sepse kishte kërkesa përtej mandatit. Ne kemi marrë mesazh të qartë në zgjedhje, që opozita e djeshme të jetë pozita e ardhshme. Ne si lëvizje jemi munduar të reflektojmë në këtë mesazh. Ne kemi ofruar njërin nga dy postet që qytetarët na ofruan neve. E ofruam pozitën e kryeparlamentarit por ajo u refuzua”, ka thënë Kurti para mediave./Opinion.al
