Ndarja e bujshme e Albi Nakos nga Klaudia Pepa, u komentua për një kohë të gjatë në mediat rozë. Qershia mbi tortë e kësaj ndarje, ishte momenti kur Klaudia në emisionin “Rudina”, e cilësoi Albin si vëllain e saj të madh, i cili kujdeset për të.
Mirëpo, tani që ka kaluar një kohë e konsiderueshme nga ndarja, duket se gjithsecili ka vijuar jetën. Këtë e tregoi edhe më qartazi Albi, i ftuar në emisionin “Në kurthin e Peter Pan”. Një nga fëmijët e pyet nëse ka ndonjë motër ose vëlla, dhe Alketa nuk pret dhe si pa të keq i thotë atë që po mendonim të gjithë: “Me të vërtetë o Albi, a ke motër ose vëlla ti se nuk e dimë, vetëm një dim Klaudia Pepën”.
Albi i kthehet duke qeshur duke thënë se ka një motër biologjike, më të madhe se veten.
Një prej vajzave të Piter Pan e pyeti Albin se kur në të ardhmen të bëjë fëmijë çfarë e do vajzë apo djalë.
Koreografi u shpreh i bindur duke deklaruar se do e bëjë një fëmijë dhe e do vajzë. “Unë do e bëj një fëmijë dhe e dua vajzë. Kush ka vajza botën ka. Do i vendos emër shqiptar”, u shpreh Albi.
