Këto ditë në datat 10-12 maj u mbajt në Ohër konferenca me temë “ AdventureNext Balkans (Aventura e Radhës – Ballkani”. Ballkani përfaqësohet për herë të parë nga një shqiptare dhe ajo është Blerina Ago nga Federata Shqiptare e Rafting. Gjatë fjalës së saj në konferencë Ago tha se: “Bashkëpunimi ndërballkanik është i domosdoshëm për rritjen ekonomike. Turizmi është potenciali më i madh i të gjitha vendeve për t’u zhvilluar në mënyrë të qëndrueshme, në respekt të mbrojtjes së natyrës dhe trashëgimisë”.
Albanian Adventure Resort prezantohet si projekti më inovativ dhe në frymën e ideve që ia vlen të përhapet në rajon.
Presidenti i Adventure Travel Trade Association z. Shannon Stowell tha se shkëmbimet, lidhja me njëri tjetrin dhe bashkimi na mban të sigurt dhe mundëson rritje më të madhe ekonomike për Ballkanin nëpërmjet zhvillimit të tij si një destinacion i vetëm dhe i madh turistik.
AdventureNext Balkans mblodhi mbi 300 delegatë përfaqësues të Organizatës Botërore të Turizmit të Kombeve të Bashkuara, Europës Juglindore, Ambasadori i Shteteve të Bashkuara të Amerikës dhe Ambasadori i Zvicrës në Maqedoni, organizata, gazetarë dhe turoperatorë ndërkombëtarë, mbi 150 ofrues shërbimesh dhe produktesh turistike si dhe përfaqësues të niveleve të larta të fushës së turizmit të Europës Juglindore.
Presidenti i Adventure Travel Trade Association z. Shannon Stowell tha se shkëmbimet, lidhja me njeri tjetrin dhe bashkimi na mban të sigurt dhe mundëson rritje më të madhe ekonomike për Ballkanin nëpërmjet zhvillimit të tij si një destinacion i vetëm dhe i madh turistik.
