Këtë vit Alban Skëndëraj dhe Miriam Cani kanë qenë aktiv në muzikë si asnjëherë më parë. Në datën 28 nëntor, ditën e lindjes së vajzës së tyre Ameli, ata publikuan projektin e tyre “Dhurata”, një këngë e ardhur në bashkëpunim.
Kënga ishte një deditikm për vajzën e tyre, ndërsa ata kanë paralajmëruar se ky projekt nuk ka përfunduar ende. Dhurata” paska edhe një variant të ri që do të publikohet në një datë tjetër feste.Mirami dhe Albani kanë gati edhe një version në anglisht të këngës “Dhurata”, të cilin do ta publikojnë për Krishtlindje, më 25 dhjetor.
Lajmin e kanë ndarë për fansat edhe në rrjetet sociale: “Më datë 25.12 publikohet “More than a Song”, versioni anglisht i këngës “Dhurata”. Kjo ndjenjë nuk njeh gjuhë e as kufij, ndaj në këto ditë festash duam ta ndajmë këtë këngë me çdo prind e fëmijë kudo në botë” – shkruan Miriami në Instagramin e saj.
