Deputetja e Partisë Demokratike, Albana Vokshi, ka denoncuar në Facebook rastin e dy çerdheve të djegura brenda një jave, duke fajësuar kryetarin e bashkisë së Tiranës, Erion Veliajn.
“Në 2015 Veliaj propagandoi me të madhe projektin ”Adopto një çerdhe”. Me me shumë gjasa, ai detyronte biznesin të investonte falas një gjobë shtetërore, që si duket ka shkuar në fondin e Veliajt për të blerë kohën televizive për propagandën e tij neveritëse,” shkruan Vokshi, duke përmendur që Veliaj nuk ka kursyer as fëmijët për propagandë.
Deputetja e akuzon Veliajn për vjedhjen e investimeve të bërë për çerdhet, duke lënë mënjanë sigurinë dhe jetën e fëmijëve. Në statusin e saj në Facebook, ajo ngre disa pyetje:
“Kush i ka “adoptuar” dhe bërë investimet në 31 cerdhet e Tiranës pjesë e nismës së Veliajt?? Pse nuk bëhet transparencë për këtë nismë? A janë shpërblyer donatorët me tendera publikë nga Erjon Veliaj? A ka përfituar dhe cfarë Erjon Veliaj prej tyre?”
Vokshi shkruan se institucionet ligjzbatuese duhet të hetojnë fajtorët e rënies së zjarrit dhe të mos bien pre e presioneve, pasi “me Erion Velinë në krye të Bashkisë Tiranë femijët tanë, sot, janë edhe më të pasigurt.”
Statusi i plotë:
https://www.facebook.com/photo.php?fbid=10156729611029429&set=a.10151246155859429&type=3&theater
