Policia e Pogradecit në orët e para të mëngjesit ka marrë njoftim se një qytetar ka vendosur një send të dyshimtë poshtë një automjeti.
Ngjarja raportohet të ketë ndodhur në lagjen 2 të qytetit. Mësohet se ka qenë roja i prokurorisë që ka lajmëruar policinë. Rreth orës 3:30 të mëngjesit ai ka vënë re një qytetar duke u shtrirë përtokë e duke vendosur diçka poshtë makinës.
Dyshimet ishin për lëndë plasëse, ç’ka bëri që e gjithë zona të rrethohej me perimetër sigurie, por pas verifikimeve rezultoi se ishte GPS.
Mjeti është në pronësi të shtetasit Eris Çekani, i cili kohët e fundit ka patur disa konflikte me shtetas të tjerë në Pogradec. Vijojnë hetimet për gjetjen e autorit.
