Një vajzë 24 vjeçe mësohet se i ka dhënë fund jetës sot në Durrës. Policia njofton se ngjarja ka ndodhur në Xhafzotaj të Durrësit dhe viktima ka inicialet S.Ç. 24 vjeçe.
Sipas policisë, vajza i ka dhene fund jetes rreth orës 00:10 në banesën e saj. Kanë qenë prindërit që e kanë gjetur, por ajo ka qenë në momentet e fundit, pasi edhe pse u dërgua me urgjencë në Tiranë, e reja nuk mundi të shpëtonte. Dyshohet se 24 vjeçarja ka pirë një sasi fostoksine.
Nga veprimet hetimore, dyshohet se shkak ka qenë gjendja e rënduar psikologjike. Hetimet vijojnë dhe çështja i ka kaluar Prokurorisë së Rrethit Gjyqësor Durrës për veprën “Shkaktimi i vetëvrasjes”.
Ky është rasti i dytë brenda i ditës së sotme dhe i katërti brenda javës. Pas mesnate, në orët e para të ditës një vajzë 19 vjeçare u hodh nga kati i 8 i pallatit. Po në Fier dy ditë më parë u raportua se një djalë 20 vjeç i dha fund jetës duke pirë fostoksinë. Sakaq një rast tjetër, pa para dy ditësh është raportuar në Tiranë tek vilat gjermane, ku një djalë i ri u hodh nga ballkoni. Shifrat në rrijte të vetëvrasjes tek të rinjte janë alarmante.
