Policia e Kosovës ka arritur ta largojë mjetin e dyshuar afër objektit të Administratës Pensionale të Kosovës, saktësisht tek ndërtesa e ish-Rilindjes në Prishtinë.
Policia e Kosovës deklaroi se alarmin për bombë e kanë marrë orës 11:00 nga punëtorët e kësaj zyre.
Zyra e Administratës Pensionale të Kosovës ndodhet në oborrin e ish-pallatit të shtypit që sot shfrytëzohet nga Qeveria e Kosovës për ministri të ndryshme, në qendër të Kryeqytetit. Mediat raportojnë se një dëshmitar është shoqëruar në polici i cili pohon se ka dëshmi rreth kësaj ngjarje.
