Ndonëse e gjithë Shqipëria është gjendur thuajse nën ujë, duket se pas mesditës së sotme vëmendja është përqendruar kryesisht në jug dhe më specifikisht në Vlorë.
Pasditja e sotme i ka gjetur në Mifol disa nga ministrat më të rëndësishëm të qeverisë Rama, ndërsa më pas është bashkuar me ta edhe vetë Kryeministri.
Në fillim Olta Xhaçka, Niko Peleshi e më pas edhe Damian Gjiknuri janë parë në urën e Mifolit për të inspektuar situatën dhe për t’ju bërë thirrje banorëve të largohen nga shtëpitë, duke theksuar se situata do të përkeqësohej.
Kujtojme qe Kryeministri Rama dhe ministri Gjiknuri kane dale deputete nga qarku i Vlores.
Por, Kryeministri Rama duket se nuk e ka menduar që situata do të precipitojë kaq shpejt, teksa mbrëmjen e djeshme postonte ne FB një fakt që kundërshtonte “mediat e kazanit” lidhur me investimet për rininë.
Pas raportimeve për përmbytje në zonën e Shqipërisë qendrore dhe kryesisht në Vorë, Kashar, Kamzë, Fushë Krujë dhe Shijak vëmendja është fokusuar kryesisht në Vlorë, ku prurjet e Vjosës po shfaqen të rrezikshme.
Ndonëse prurje të larta janë vërejtur edhe nga Erzeni, Osumi e Shkumbini.
Shtabi i emergjencave ka vendosur të nisë evakuimin me mjetet e ushtrisë për të paktën 3 mijë banorë në 5 fshatra në zonën e Mifolit, ndërkohë që pritet vendimi për disa fshatra në zonën e Fierit.
Sikurse Ministri Peleshi u shpreh më herët, në Darzezë ka nisur largimi i bagëtive nga shtëpitë e fermerëve. / Opinion.al
Video me poshte tregon pamje te zones se Mifolit
