Një shqiptar ka alarmuar policinë italiane pas telefonatës së tij. Ai ju ka thënë policëve që të shkonin dhe ta arrestonin pasi ka qëlluar mbi 3 persona të tjerë.
Ngjarja është regjistruar në Predosa, ku një emigrant shqiptar 47 vjeç ka telefonuar që të shkonin ta arrestonin pasi kishte vrarë 3 persona.
Pasi mbërriti policia ai ju tha atyre se kishte qëlluar mbi 3 persona, pasi ishte grindur me ta dhe armën e kishte hedhur në lumë.
Por pavarësisht deklaratës së tij dhe kërkimeve nga ana e polumbarëve nuk u gjet asnjë provë e krimit që shqiptari pretendonte se kishte kryer.
Aktualisht ai është lënë i lirë, ndërkohë që policia po vijon ende hetimet nëse ajo çfarë ka thënë emigranti është e vërtetë, apo thjeshtë një sajesë.
