Herë pas here flitet për sigurinë kibernetike dhe përdorimin e fjalëkalimeve sa më të vështira në mënyrë që askush të mos hyjë në llogaritë tuaja elektronike.
Alex Holden themelues i “Hold Security”, një kompani që ofron shërbime sigurie online thotë se rreth 97 milionë fjalëkalime të Gmail, Yahoo dhe Hotmail janë vjedhur nga një sulm i madh kibernetik që ka prekur 272 milionë përdorues në gjithë botën.
Yahoo është më e dëmtuara, ku thuhet se janë vjedhur 40 milionë passworde, e ndjekur nga Hotmail me 33 milionë dhe Gmail me 24 milionë.
Holden thotë se fjalëkalimet e vjedhura po shiten te kriminelët.
