Të gjitha fluturimet janë anuluar ne aeroportin e Shkupit për shkak të raportimit se brenda është vendosur një bombë. Informacione për bomba ka patur edhe për vende të tjera në Shkup.
“Denoncime për mjet shpërthyes të vendosur ka në FFM, Sallën e Sporteve “Boris Trajkovski”, Hotelin “Aleksandar Palace” dhe në Aeroportin Aeroporti e Shkupit. Ndryshe, në hotelin “Aleksandar Palace” sot duhej të mbante konferencë për shtyp edhe kryeministri Dimitar Kovaçevski”, raporton Klan Maqedonia.
Në Maqedoninë e Veriut, përgjatë 3 muajve të fundit ka pasur dhjetëra denoncime, alarme për vendosjen e bombave nëpër shkolla të vendit, të cilat kanë rezultuar si të rreme.
