Një alarm për bombë është regjistruar pranë stadiumit Olimpik në Romë para ndeshjes Euro 2020 midis Italisë dhe Zvicrës për ditën e dytë të fazës së grupeve.
Mediat vendase shkruajnë se alarmi për bombë ka ardhur nga zona e Piazza Mancini, disa kilometra larg stadiumit.
Ngjarja u denoncua nga një kalimtar i cili vuri re një objekt të dyshimtë brenda një Smarti të parkuar. Ndërkohë policia ka ndërhyrë menjëherë edhe pse kishte shumë tifozë që kalonin përmes për të arritur në stadium, ndërsa disa rrugë u bllokuan për të lejuar operacionin.
Ndeshja mes Italisë dhe Zvicrës do të luhet në orën 21:00./Opinion.al
