Një alarm për bombë ka çuar në evakuimin e Aeroportit të Nisës në Francë.
Policia ka evakuar pasagjerët nga Terminali 2 i Aeroportit, pas raportimit për një çantë të dyshimtë.
Çanta për të cilën dyshohej se kishte brenda eksplozivë, është gjetur në zonën e terminalit, ka thënë një burim.
Më herët janë gjetur edhe dy çanta të tjera të dyshimta, tha i njëjti burim për “RT”.
Policia ende nuk e ka konfirmuar një gjë të tillë, por turma të mëdha të njerëzve tashmë janë evakuuar nga forca të mëdha policore, që kanë rrethuar aeroportin.
