Ndërsa në studion e “Opinion” kryeministri Rama ka mohuar akuzat e ngritura ndaj vëllait të tij nga Gazmend Bardhi, ky i fundit ka reaguar në rrjetet sociale.
Bardhi ka njoftuar publikimin e të dhënave që posedon në “Opinion” javën e ardhshme, ndërsa tha më herët se sipas tij, Olsi Rama është i lidhur me çështjen e laboratorit të drogës në Xibrakë.
“Ruaj nervat Edi! Mos moho vëllain të paktën. Shihemi javës së ardhshme tek Fevziu!
E kuptoj shqetësimin se ke menduar se përmes promovimit të prokurorit të çështjes me votën tënde, do shpëtoje një të dyshuar si trafikant droge nga hetimi penal dhe dënimi, që rastis të jetë yt vëlla! Mbrojta politike dhe pandëshkueshmëria i ka këmbët e shkurtra. Deri atëherë ruaj nervat se do të duhen edhe për vete”, shkroi Bardhi në Facebook./Opinion.al
