Aktorja italiane, Asia Argento, e cila akuzoi vitin që shkoi Harvey Weinstein për përdhunim, është denoncuar nga një aktor i ri për të njëjtën arsye, shkruan Opinion.al. Argento, e cila ishte edhe nismëtarja e lëvizjes #MeToo, e ka paguar aktorin Jimmy Bennett 380,000 dollarë pasi ai ngriti akuzat për ngacmim seksual.
Bennett dikur ka luajtur rolin e të birit të Argentos në një film, kur ai ishte 17 vjeç. Opinion.al shkruan se aktori 22 vjeçar tashmë pretendon se në atë kohë ka bërë seks me 42 vjeçaren në një hotel në Kaliforni, në vitin 2003.
Dokumentat e gjyqit erdhën në emailin e New York Times, dhe thuhej se ka tre dëshmitarë që e njohin çështjen. Argento më parë ka akuzuar Weinstein se ai e ka përdhunuar kur aktorja ishte 21 vjeç, shkruan Opinion.al, në Festivalin e Cannes. Avokati i ish producentit e mohoi këtë akuzë dhe tha se fjalët e Asia Argentos nuk janë të vërteta./Opinion.al
