Gjykata e Posaçme kundër Krimit dhe Korrupsionit ka pezulluar çështjen e biznesmenit Gentian Malindi.
Malindi akuzohet si porositësi i 137 kg kokainë të kapura në portin e Durrësit.
Sipas News24, GJKKO ka pezulluar dosjen për një vit, me argumentin se Gentian Malindi nuk gjendet, është në arrati.
Nga ana tjetër procesi gjyqësor për dy të arrestuarit e trafikut të kësaj sasie kokaine, shtetasit Ardian Bega dhe Altin Myslihaka është duke vijuar.
Kokaina u pikas fillimisht nga uniformat blu të Greqisë, teksa kanë mbajtur nën vëzhgim lëvizjet e konteinerit, deri në Durrës, për të zbuluar rrjetin e trafikut të kokainës./Opinion.al
