Pas refuzimit të kërkesës për azil politik të shtetasit turk Harun Çelik në fund të vitit të shkuar, autoritetet shqiptare kanë refuzuar edhe kërkesën e Selami Simsek.
Të dy këta shtetas u arrestuan një vit më parë në aeroportin e Rinasit pasi tentuan të udhëtonin me dokumente false për në Kanada.
Në turqi ata dyshohen si anëtarë të lëvizjes “Gylen”, e shpallur organizatë terroriste nga Ankaraja zyrtare.
Sipas vendimit të drejtorisë së azilit marrë në datën 9 mars të këtij viti, Simsek nuk plotëson kriteret ligjore për të përfituar azil.
Më 1 janar të këtij viti autoritetet shqiptare dëbuan për në Turqi shtetasin Harun Çelik menjëherë pasi kreu dënimin prej 6 muajsh burg për falsifikim dokumentesh në vendin tonë.
Ai sëbashku me Simsek pretendojnë se në Turiq u rrezikohet jeta. Me të mbërritur në Turqi, Çelik u arrestua nga autoritetet vendase dhe po përballet me drejtësinë.
Dëbimi i tij shkaktoi një valë të fortë debatesh pasi sipas avokatëve dhe organizatave të ndryshme ndërkombëtare, përfshi OKB dhe BE, mësuesit turk iu mohua e drejta për azil politik dhe u dëbua në shkelje procedurash.
Kombet e Bashkuara ndërkohë kanë nisur një hetim lidhur me këtë çështje ku i kanë kërkuar autoriteteve shqiptare sqarim mbi procedurat e ndjekura. /Opinion.al
