Gjykata e Shkodrës ka caktuar masën e sigurisë “arrest me burg” për 15-vjeçarin e arrestuar si bashkëpunëtor në vrasjen e 32-vjeçarit Endri Mustafa.
Gjatë seancës së sotme mësohet se 15-vjeçari nuk ka pranuar që të japë deklaratë përpara togave të zeza.
Ndërkohë më herët është zbardhur edhe deklarta që ai ka dhënë përpara autoriteteve. 15-vjeçari ka akuzuar drejtpërdrejt Ibrahim Licin si autor të vrasjes.
“Biseduam me Endrin për t’i shitur një qengj. Rreth orës 18:00 i çova qengjin Endrit. Me Endrin kam bërë muhabet hashashi. I thashë Endrit se kisha mbjellë hashash. Hashashin e kisha mbjellë në zonën e livadheve. Më tha ‘do të ndihmoj të çosh kanabisin në shtëpi’. Pas kësaj rreth orës 22:00 u nisëm drejt livadheve. Ibrahim Lici na doli përpara, kishte armë. Lici doli në vendin e quajtur gropa e ekskavatorit. Lici kishte armë në dorë, qëlloi Endri Mustafën. Endri i tha ‘mos me vrit pash Zotin se kam fëmijë’. Ibrahim Lici e qëlloi përsëri madje dhe në fytyrë. Ibrahim Lici i tha Endrit ‘qofsh i xhenetit’ dhe u largua me motor nga vendngjarja”, ka deklaruar minoreni./Opinion.al
