Gjykata e Lartë ka refuzuar ekstradimin e shtetasit kinez Liangbin Chen.
Gjykata thotë se ky vendim është marrë pasi Shqipëria nuk ka marrëveshje ekstradimi me Kinën.
Shtetasi kinez, Liangbin Chen, erdhi nga Dubai për t’u strehuar në Shqipëri, ku edhe u arrestua më 21 korrik në Rinas.
Chen akuzohet se është kreu i një bande kriminale qe përmes teknologjisë ka mashtruar qindra shtetas kinezë. Platforma iu ofronte qytetarëve të Kinës dhe atyre të Dubait prona të paluajshme dhe pajisje teknologjike.
Ai dyshohet se përmes mashtrimeve ka zhvatur 145 mln euro.
Chen u arrestua në aeroportin e Rinasit rreth orës 14:00 të datës 11 korrik të këtij viti gjatë kontrolleve të pasagjerëve të linjës ajrore “Air Albania”, në fluturimin Londër-Tiranë.
