Altin Çoku, 39-vjeçari, i cili u arrestua sot se akuzohet se ka shtyrë një të re drejt vetëvrasjes pasi i ka publikuar foto intime së bashku, në rrjetet sociale, ka rrëfyer sesi janë shpërndarë imazhet.
Ai ka deklaruar se fotoja nuk është shpërndarë nga vetë ai, por një shok.
Çoku ka thënë se pamjet e tij në momente intime me të renë e ka bërë vetë vajza dhe më pas ia ka dërguar atij.
27-vjeçarja në Kamëz, u hodh nga kati i katërt i një ndërtese, duke gjetur vdekjen.
Gjithçka nisi pasi Altin Çoku i publikoi të resë një foto intime në rrjetet sociale.
Viktima ishte e martuar në Kosovë, por për shkak të problemeve me bashkëshortin jetonte në Kamëz.
Pas publikimit të fotos, vajza nuk e ka përballuar situatën dhe ka ndërmarrë veprimin ekstrem duke u vëtëhedhur nga kati i katërt.
Shërbimet e komisariatit nr.5 pas dëshmive të familjarëve të vajzës dhe këqyrjes që telefonit të saj kanë zbardhur ngjarjen.
Por dyshohet se nuk ishte rasti i parë që 39-vjeçari Çoku i bënte presione të tilla ndaj vajzave. Policia po verifikon edhe një rast tjetër në Laç, ku dyshohet se 39-vjeçari ka shantazhuar me foto intime një vajzë tjetër.
