Cristiano Ronaldo dyshohet se ka përdhunuar një modele amerikane dhe më pas i ka kërkuar falje duke i thënë “më fal, unë zakonisht jam një gentleman’.
Kathryn Mayorga, një mësuese 34-vjeçare, e cila aspironte për modele në kohën e sulmit të supozuar, pretendon se Ronaldo e përdhunoi atë në një tualet në “Palms Hotel and Kazino” në Las Vegas, në orët e para të 13 qershorit 2009.
Ajo pohoi në gjykatë se ai e sulmoi edhe pse ajo po bërtiste “Jo, jo, jo!”
Ronaldo foli në një video në Instagram vetëm disa orë pasi avokati i saj paraqiti dokumentet gjyqësore në lidhje me rastin, duke i cilësuar lajmet si të rreme.
“Ajo do të promovojë veten duke përdorur emrin tim. Është normale. Do të jetë e famshme duke thënë emrin tim, por kjo është pjesë e punës. Unë jam një njeri i lumtur”.
Në dokumentet e paraqitura në gjykatë thuhet se paditësja, znj. Mayorga refuzoi të kryente marrëdhënie me të dhe deklaroi se donte të dilte nga suita e hotelit. Ronaldo e tërhoqi atë në një dhomë gjumi dhe u përpoq të kryente marrëdhënie seksuale me forcë. Ajo refuzoi dhe u mundua të parandalonte aktin. Ndonëse ajo po bërtiste “jo, jo, jo!”, ajo u përdhunua nga ylli i futbollit. Në dokumente pohohet se Ronaldo u largua nga dhoma e gjumit pas sulmit, duke deklaruar se i vinte keq për atë që kishte ndodhur, pasi ai zakonisht është një gentleman.
