Ka dështuar për të dyten herë arratisja nga ambintet e paraburgimit e Daniele Bedini, autor i dyshuar i vrasjes së Nevila Pjetrit dhe një transi në Itali.
Sipas mediave italiane, Bedini u ndalua teksa po merrte trenin për në Torino.
Aktualisht është e vështirë të kuptohet se ku donte të shkonte 32-vjeçari, të ikte në Francë apo të shkonte në shtëpi.
32-vjeçari u arratis nga një burg i sigurisë së lartë në Itali, burgu i Cuneos, por u kap 30 minuta më pas.
Ai u ndalua në një stacion dhe kishte hipur në një tren që shkonte drejt Fossano-s. Por gardianët e burgut e kuptuan menjëherë tentativën dhe e arrestuan. Tashmë ai ndodhet në burg me siguri të lartë.
Për Bedinin nuk ishte hera e parë që tentonte të arratisej, pasi disa javë më parë ai tentoi të arratisej nga burgu i La Spezias, Villa Andreino.
Këtë herë ai u arratis gjatë drekës, njësoj si në rastin e parë, duke përdorur aftësitë fizike për t’u larguar. Ai u ngjit në mur dhe më pas doli jashtë murit rrethues duke u kacavjerrë nga një shtyllë ndriçimi. Pasi lidhi një litar tentoi të zbriste nga muri, por çarçafët nuk i kishin rezistuar peshës, duke bërë që vetë Bedini të binte në tokë. Më pas 32-vjeçari u dërgua sërish në izolim.
Kujtojmë që, Bedini akuzohet për vrasjen e prostitutës shqiptare, Nevila Pjetri, e cila u gjet e vrarë me dy plumba pistolete në kokë të dielën në shtratin e lumit Parmignola në Marinella, në afërsi të Sarzana.
Ndërkohë, pak më larg, disa orë më vonë u gjet edhe trupi i Camilla-s, transit që jetonte në Albiano Magra. Edhe për këtë të fundit dyshohet se autor është Bedini. Ndërsa hetuesit thonë se ka gjasa që të ketë një lidhje mes dy vrasjeve.
Po ashtu, Daniele Bedini rezulton person me precedentë penalë për grabitje dhe disa vepra të tjera penale, vepra që duket se i kryente edhe për të siguruar kokainë. Dyshimet janë se ai e mori prostitutën shqiptare në makinë jo për shërbimin e saj, por për ta grabitur./Opinion.al
