Akuzohet për trafikimin e 3.2 ton kokaine, shqiptari bëhet Investitor Strategjik në Turqi

Kanë dështuar përpjekjet e Belgjikës për të ekstraduar dy kriminelë të drogës nga Turqia.
Siç raportojnë mediat e huaja, dy personat thuhet se kanë marrë nënshtetësinë turke në këmbim të investimeve që kanë kryer në Turqi.
Të dy thuhet se janë përfshirë në një nga skandalet më të mëdha të drogës që Belgjika ka parë ndonjëherë. 3.2 ton kokainë thuhet se janë kontrabanduar në Antwerp.
Një i dyshuar është në paraburgim që nga viti i kaluar ndërsa dy bashkëpunëtorët e tij nga Bosnja dhe Shqipëria u larguan në Turqi. Duke qenë se të dy tani janë turq, sipas informacioneve nga Ankaraja, ata nuk mund të ekstradohen.
Që nga janari i vitit të kaluar, të huajt që investojnë 500,000 dollarë në Turqi ose blejnë një pronë atje, mund të marrin shtetësinë turke./Opinion.al