Presidenti rus Vladimir Putin është akuzuar për qëndrime seksiste ndaj reporteres së CNBC Hadley Gamble. Putin e quajti atë “të bukur”, por menjëherë vuri në dukje se ajo nuk e kuptoi atë që ai po i thoshte.
Subjekti i mosmarrëveshjes ishin çmimet e gazit dhe intervista u zhvillua gjatë javës së energjisë ruse.
“Ju jeni një grua e bukur, vërtet e bukur. Por unë po ju them një gjë dhe ju më thoni menjëherë të kundërtën, sikur të mos kishit dëgjuar atë që ju thashë,” vuri në dukje Putin gjatë debatit.
“Ne po i rrisim furnizimet për Evropën, vetëm Gazprom me 10%. Rusia i ka shtuar furnizimet me 15%. Ne po i rrisim, nuk i zvogëlojmë furnizimet. A kam thënë vërtet diçka kaq të vështirë për t’u kuptuar”, ka nënvozuar Putin i bezdisur nga pyetja e gazetares./Opinion.al
